HVER Restaurant

Kíktu við í ljúffengan mat á HVER Restaurant í Hveragerði. Vandaður og fjölbreyttur matseðill í hlýlegu umhverfi. Opið alla daga frá 11:30 – 22:00. Borðapantanir í móttöku. Gleðistund á HVER bar er á milli kl 16:00 – 18:00 alla daga.

Bílastæði og þráðlaust net

Á hótel Örk er boðið upp á frítt bílastæði fyrir gesti í kringum hótelið.

Frítt þráðlaust net er í boði á herbergjunum og á öllum almenningssvæðunum.

Morgunmatur

Morgunmatur er innifalinn í gistingu á hótel Örk og er borinn fram á þriðju hæð í salnum Glæsigerði. Morgunmaturinn er borinn fram á milli 07:00 – 10:00 alla morgna. Á morgunverðarborðinu má finna úrval af brauði, kjötáleggi, sultum, ostum, ávöxtum, morgunkorni og margt fleira.

Innritun

Innritun er eftir kl 15:00. Ef óskað er eftir innritun fyrir kl 15, vinsamlega hafið samband við starfsfólkið í móttökunni. Ef gestir vilja ekki vera ónáðaðir eru þeir beðnir um að nota „ónáðið ekki“ spjalið á hurðina.

Útskráning

Á brottfarardegi þarf að rýma herbergið fyrir kl. 11:00. Ef óskað er eftir seinni útskráningu, vinsamlegast hafið samband við starfsfólkið í móttökunni.

Reykingar

Reykingar og rafrettur eru stranglega bannaðar og eru ekki leyfðar við inngang hótelsins, sundlaugarsvæðið, nálægt herbergjagluggum, í herbergjunum og innandyra. 30.000 kr. sekt við reykingum.

Móttakan og aðstaðan

Móttakan og aðstaðan á hótel Örk er til fyrirmyndar. Móttakan er opin alla daga, til þess að hringja í gestamóttökuna: veljið nr. 9.

Gestir hafa aðgang að útisundlaug með rennibraut, heitum pottum, gufubaði, golfvelli og afþreyingarherbergi.

Sjónvarp og útvarp

Á hótel Örk er margt hægt að sjá og heyra. Eftirfarandi stöðvar í boði:

Sjónvarpsstöðvar: RÚV, ST2, SPORT, Sjónvarp Símans, Sky News, BBC One Lon, BBC Two Eng, 9241, Channel 4, Channel 5, ITV, ITV2, ITV4, France Eng, kabel eins, ProSieben, SAT.1, FreeSports.

Útvarpsstöðvar: Rás 1, Rás 2, Bylgjan, Léttbylgjan, Rondo.

Verðmæti

Við getum ekki tekið ábyrgð á fjármunum eða öðrum verðmætum sem geymd eru í herbergjum. Í gestamóttöku er öryggishólf þar sem þú getur fengið að geyma öll verðmæti.